Подробности

Опубликовано 15.06.2013 21:59

Работа ў летні час - гэта добрая альтэрнатыва пустому баўленню часу, а заадно і магчымасць крыху зарабіць. Ды і ў жадаючых, як правіла, недахопу не бывае. Іншая справа, што самастойна знайсці падпрацоўку студэнтам часцяком бывае складана. Ім на дапамогу гатовыя прыйсці ПА ГА «БРСМ» УА МДПУ імя І.П. Шамякіна.

З прыходам гарачых цёплых дзён у дарожных службаў працы толькі дадалося. Дарогі, абочыны, тратуары, прыпынкі - усё гэта трэба прывесці ў парадак, адрамантаваць, пачысціць, прыбраць.

На дапамогу дарожным службам прыйшлі студэнцкія будаўнічыя атрады, сфармаваныя ПА ГА «БРСМ» з ліку студэнтаў УА МДПУ імя І.П. Шамякіна. Працуюць хлопцы ў такіх дарожных упраўленнях, як ДЭУ-43 РУП «Гомельаўтадар» і Мазырскае ДРБУ -186 КПРСУП «Гомельаблдарбуд».

На працягу ўжо чатырох тыдняў моладзь займаецца добраўпарадкаваннем прыпыначных пунктаў, афарбоўкай, а таксама пакосам травы газонакасілкай.

Нягледзячы на тое, што праца не з простых, студэнты спраўляюцца з усімі пастаўленымі перад імі задачамі.