Кубак першакурсніка на ФФК
- Падрабязнасці
- Апублікавана 12.11.2018 11:29
30 кастрычніка 2018 г. на факультэце фізічнай культуры адбыўся І-ы этап фестывалю-конкурсу “Кубак першакурсніка – 2018”.
Асноўнымі мэтамі конкурсу з’яўляюцца:
– развіццё стваральнай актыўнасці студэнцкай моладзі;
– стварэнне ўмоў для творчай рэалізацыі студэнтаў;
– аб’яднанне калектыву, знаёмства са студэнцкім жыццём і заахвочванне моладзі да грамадскага жыцця.
Выдатны настрой і атмасфера весялосці, бадзёрасці і аптымізму панавалі на традыцыйным конкурсе “Кубак першакурсніка”. Каманды-прадстаўнікі 3-х груп факультэта фізічнай культуры змагаліся за права быць лепшымі. Першакурснікі паказалі сябе ў розных амплуа: рэкламныя агенты, танцоры, майстры акцёрскага жанру. Праграма таксама была насычана творчымі конкурсамі. Атмасфера спаборніцтва і сяброўства захоўвалася да завяршэння мерапрыемства.
Дыпломам за 1 месца была ўзнагароджана каманда “Выпуск – 2019” (спецыяльнасць “Фізічная культура” са спецыялізацыяй “Спецыяльная падрыхтоўка”). 2 месца атрымала каманда “Колер настрою моцны” (спецыяльнасць “Фізічная культура” са спецыялізацыяй “Фізкультурна-аздараўленчая і турысцка-рэкрэацыйная дзейнасць”). 3 месца атрымала каманда “Целяпунчыкі” (спецыяльнасць “Спартыўна-педагагічная дзейнасць (трэнерская работа з указаннем віду спорту)”).
Прыз “За лепшую мужчынскую ролю” атрымаў Ермаковіч Мікалай, за лепшую жаночую ролю Ліпінская Аліна.
Дзякуй удзельнікам гэтага свята! Асаблівую ўдзячнасць выказваем прафкаму студэнтаў універсітэта ў асоба Струкава В.В. за аказаную спонсарскую дапамогу і студактыву факультэта фізічнай культуры.
|