Адкрытыя дэбаты “ВЫБІРАЙ.BY” у МДПУ
- Падрабязнасці
- Апублікавана 28.09.2015 08:02
У ходзе адкрытых дэбатаў “Выбірай.by!”, якія адбыліся 24 верасня 2015 года ва УА “Мазырскі дзяржаўны педагагічны ўніверсітэт імя І.П. Шамякіна”, зборныя каманды біялагічнага факультэта (“Здаровая нацыя”) і факультэта тэхналогіі (“Драйв”) у дыскусійнай форме абмеркавалі актуальныя пытанні прапаганды здаровага ладу жыцця ў маладзёжным асяродку.
Падчас палемікі на тэму “Здаровы лад жыцця – мода сучаснага пакалення альбо сапраўдная каштоўнасць” удзельнікі каманд падзяліліся ўласнымі думкамі аб арганізацыі валеалагічнага выхавання, выявілі прычыны ўзнікнення нежадання весці здаровы лад жыцця і інш.
У якасці экспертаў адкрытых дэбатаў выступілі : в.а. першага сакратара Мазырскага РК ГА “БРСМ” Іванна Аляксандраўна Падзіла, дырэктар спартыўнага клуба УА МДПУ імя І.П. Шамякіна Віталь Пятровіч Дайняк, намеснік дэкана факультэта фізічнай культуры па спартыўна-выхаваўчай рабоце Наталля Мікалаеўна Нічыпорка. Вядучая – Таццяна Процка, сакратар ПА ГА “БРСМ” УА МДПУ імя І.П. Шамякіна.
Перамагла ў адкрытых дэбатах каманда біялагічнага факультэта “Здаровая нацыя”. Нагадаем, што 1 ліпеня 2015 года БРСМ аб’явіў аб старце новага праекта моладзі “Адкрытыя дэбаты “Выбірай.by!”, галоўная мэта якога – аб’яднанне намаганняў юнакоў і дзяўчат на сацыяльна значную дзейнасць на карысць грамадства.
Напярэдадні важных грамадска-палітычных падзей у Беларусі адкрытыя дыскусіі праходзяць ва ўсіх рэгіёнах краіны ў некалькі этапаў: раённыя, гарадскія, абласныя (Мінскі гарадскі).