24 верасня 2015 года адбылося першае ў гэтым навучальным годзе пасяджэнне студэнцкага самакіравання і школы “Лідэр”. Старшыня студэнцкага самакіравання Вікторыя Корзун азнаёміла студэнтаў з планам работы на бліжэйшы год, абазначыла мэты, задачы і накірункі дзейнасці.
У ходзе адкрытых дэбатаў “Выбірай.by!”, якія адбыліся 24 верасня 2015 года ва УА “Мазырскі дзяржаўны педагагічны ўніверсітэт імя І.П. Шамякіна”, зборныя каманды біялагічнага факультэта (“Здаровая нацыя”) і факультэта тэхналогіі (“Драйв”) у дыскусійнай форме абмеркавалі актуальныя пытанні прапаганды здаровага ладу жыцця ў маладзёжным асяродку.
24.09.2015 года на базе ідэалагічнага цэнтра ўніверсітэта адбыўся інфармацыйны семінар-вучоба для членаў студэнцкага штаба па правядзенні прапагандысцка-тлумачальнай работы сярод студэнцкай моладзі ў рамках падрыхтоўкі і правядзення выбараў Прэзідэнта Рэспублікі Беларусь.
У мерапрыемстве прынялі ўдзел студэнты ўсіх факультэтаў, начальнік аддзела па выхаваўчай рабоце з моладдзю Мацвеева С.В., метадыст аддзела па выхаваўчай рабоце з моладдзю Вягера Н.М., а таксама старшы следчы юстыцыі Мазырскага раённага аддзела следчага камітэта Рэспублікі Беларусь Гвоздзь В.С.
На сустрэчы былі абмеркаваны пытанні сацыяльна-эканамічнага развіцця Рэспублікі Беларусь, асноўныя накірункі ідэалагічнай і выхаваўчай работы ўніверсітэта, прафілактыка маладзёжнага экстрэмізму і іншыя пытанні, якія цікавяць студэнцкую моладзь.
23 верасня 2015 года ва ўстанове адукацыі “Мазырскі дзяржаўны педагагічны ўніверсітэт імя І.П. Шамякіна” адбыўся адкрыты дыялог Міністра культуры Барыса Уладзіміравіча Святлова і студэнцкага актыву.
22 верасня 2015 года каля галоўнага корпуса ўніверсітэта адбыўся маладзёжны флэшмоб у рамках агульнарэспубліканскай акцыі “Наш год – наш выбар!”, якая была ініцыявана Беларускім рэспубліканскім саюзам моладзі. Гэтая акцыя з’яўляецца сапраўды масавай: студэнты вядучых вузаў краіны далучыліся да флэшмоба ГА “БРСМ” “Наш год – наш выбар!”, які адбыўся ў адзін і той жа час па ўсёй рэспубліцы.
Версія для слабавідушчых 
