23–25 красавіка 2016 года ў Брэсце праходзіў Кубак Беларусі па веславанні акадэмічным.
Студэнты факультэта фізічнай культуры нашага ўніверсітэта заваявалі 7 медалёў (3 залатыя, 2 сярэбраныя, 2 бронзавыя)!
26 красавіка на базе ўстановы адукацыі “Мазырскі дзяржаўны педагагічны ўніверсітэт імя І.П. Шамякіна” адбыўся рэгіянальны фестываль творчасці “Моладзь – адраджэнню, развіццю, будучыні!”, прымеркаваны да 30-й гадавіны аварыі на Чарнобыльскай АЭС.
22 красавіка 2016 года ў Гомельскім дзяржаўным універсітэце імя Францыска Скарыны адбылася V Міжнародная міжвузаўская студэнцкая алімпіяда па асновах педагогікі і псіхалогіі “Асоба і інавацыя”. Мэта алімпіяды – выяўленне значных адукацыйных дасягненняў студэнтаў у засваенні зместу псіхолага-педагагічных дысцыплін. Студэнцкая каманда нашага ўніверсітэта ўжо ў пяты раз стала актыўным удзельнікам і прызёрам гэтага прэстыжнага мерапрыемства.
Рэдакцыяй часопіса “Пачатковая школа” праведзены рэспубліканскі конкурс “Творчасць маладых педагогаў” .
Актыўны ўдзел у конкурсе прымалі выпускнікі 2013/2014 года факультэта дашкольнай і пачатковай адукацыі. У намінацыі “Працуем у беларускамоўнай школе” дыпломам і сертыфікатам за першае месца адзначаны ўрок беларускай мовы ў 2 класе А.В.Данчыкавай – настаўніцы Вербавіцкай базавай школы Нараўлянскага раёна. Трэцяе месца ў гэтай намінацыі у Д.І.Каржа – маладога настаўніка Ляскавіцкай СШ Петрыкаўскага раёна, выпускніка факультэта 2013/2014 навучальнага года. Дыпломам за 3 месца ў намінацыі “Выхаваўчае мерапрыемства” адзначана распрацоўна на экалагічную тэму выпускніцы гэтай жа групы В.А.Міхальцовай – цяпер настаўніцы Букчанскай СШ Лельчыцкага раёна.
Вынікі конкурсу пацвердзілі высокі ўзровень падрыхтоўкі маладых спецыялістаў – выпускнікоў 2014 года.
23 красавіка 2016 года на базе спорткомплекса “Універсітэцкі” Беларускага дзяржаўнага ўніверсітэта адбыліся фінальныя спаборніцтвы па каратэ Фестывалю неалімпійскіх відаў спорту сярод студэнтаў ВНУ Рэспублікі Беларусь. У іх прыняло ўдзел 140 спартсменаў з 19 універсітэтаў Беларусі. Мазырскі дзяржаўны педагагічны ўніверсітэт прадстаўлялі 2 спартсмены: студэнтка 3 курса 1 групы фізіка-інжынернага факультэта Марыя Барабанава і студэнт 1 курса 2 групы факультэта фізічнай культуры Мікалай Іллюк.
Версія для слабавідушчых 
